Улаанбаатар
Завхан аймагт өвөлжилт хүндрэх төлөвтэй байгааг анхааруулав
ОРОН НУТГИЙН МЭДЭЭ | ЗАВХАН
Завхан/МОНЦАМЭ/. Завхан аймагт өнгөрсөн зуны ихэнх саруудад дунджаас бага хур тунадастай, халсан өдрийн тоо олон, хуурайшилтын зэрэг өндөртэй байна. Өнөөдрийн байдлаар найман сум гантай, 11 сум гандуу, нийт нутаг дэвсгэрийн 33 хувь нь гантай, 42 хувь нь гандуу байгаагаас бэлчээрийн даац олон дахин хэтэрч өвөлжилжилт хүндрэх төлөвтэй байна.
Монгол Улсын Засгийн газрын 286 дугаар тогтоолоор ганг үнэлэх үзүүлэлтийн үнэлгээгээр Завханы Ургамал, Дөрвөлжин, Завханмандал, Эрдэнэхайрхан, Сантмаргаз, Алдархаан, Улиастай, Идэр гэсэн сумд гантай байна. Харин Цэцэн-Уул, Сонгино, Тэлмэн,Түдэвтэй, Тосонцэнгэл, Их-Уул, Яруу, Цагаанчулуут, Шилүүстэй, Отгон зэрэг сумдын нутаг гандуу байна. Аймгаас цаг агаарт зориудаар нөлөөлөх арга хэмжээг 2017 оны тавдугаар сарын 12-оос эхлэн 25 удаа явуулсан байна. Наймдугаар сарын 19-өөс 20-ыг хүртэлх ихэнх хугацаанд түр зуурын бороотой, сэрүүвтэр байх урьдчилсан төлөвтэй байна хэмээн аймгийн Ус цаг уур орчин шинжилгээний газраас мэдээллээ.
Б.Мягмарсүрэн
