Улаанбаатар
ОПЕК-ийн гишүүн бус орнууд амлалтаа 48 хувиар биелүүлэв
ДЭЛХИЙН МЭДЭЭ | ЭДИЙН ЗАСАГМОСКВА./TASS/. Газрын тосны олборлолтоо бууруулах хэлэлцээрт оролцогч ОПЕК-ийн гишүүн бус 11 орон олборлолтоо 1 дүгээр сарын хугацаанд хоногт 269 мянган баррелиар буурууллаа гэж Bloomberg агентлаг Олон улсын эрчим хүчний агентлагийн /ОУЭХА/ мэдээллийг иш татан уламжилжээ.
Ингэснээр гишүүн бус орнууд хэлэлцээрээр хүлээсэн үүргээ 48 хувиар биелүүллээ.
ОПЕК-ийн гишүүн бус бүх орон энэ оны эхний хагас жилийн хугацаанд хоног тутмын олборлолтоо нийтдээ 558 мянган баррелиар бууруулах үүрэг хүлээсэн юм. Тэдгээр орнуудаас ОХУ олборлолтоо хоногт 300 мянган баррелиар хорогдуулах ёстой. ОУЭХА-гийн имэдээнд дурдсанаар, тус улс олборлолтоо 60 мянган баррелиар багасгасан бол Оросын эрчим хүчний яамны мэдээгээр, энэ тоо 117 мянган баррельд хүрчээ.
Олборлолтоо бууруулах тохиролцоонд ОПЕК-ийн гишүүн бус 11 орон буюу Азербайджан, Бахрейн, Бруней, Экваторийн Гвиней, Казахстан, Малайз, Мексик, Оман, Орос, Судан болон Өмнөд Судан нэгдсэн юм.
Азербайжан, Казахстан болон Оман улс олборлолтоо бууруулах амлалтандаа хүрсэн гэж мэдэгджээ.
О.Барс
