Улаанбаатар
Цөмийн зэвсгээс татгалзахыг Казахстаны Ерөнхийлөгч уриалж байна
ДЭЛХИЙН МЭДЭЭ | УЛС ТӨРТОКИО. /Kyodo/. Цөмийн зэвсгийг хориглохын тулд хамтран ажиллахыг дэлхийн улс орнуудад хандан Казахстаны Ерөнхийлөгч Нурсултан Назарбаев уриаллаа.
Н.Назарбаев мягмар гарагт Токио хотноо Японы парламентад үг хэлжээ.
ЗХУ-ын бүрэлдэхүүнд байсан Казахстан улсад 450 гаруй удаа цөмийн туршилт хийсэн болохыг тэрбээр дурдаад “үй олноор хөнөөх зэвсэг ямар хүчтэй, хор хөнөөлтэй болохыг Казахстан болон Япон мэднэ” гэжээ. Мөн цөмийн туршилт хийх нь газар болон хүний эрүүл мэндэд асар ихээр сөргөөр нөлөөлдөг гэж тэрбээр нэмж хэлсэн байна.
Өнөөдөр Н.Назарбаев Хирошима хотод очиж, атомын бөмбөгдөлтийн улмаас хохирсон Хирошима болон Нагасаки хотын иргэдийн дурсгалыг хүндэтгэхийн зэрэгцээ цөмийн зэвсгийг хориглохыг дэлхийн нийтэд хандан уриалах ажээ.
Г.Доржханд
