Улаанбаатар
Метроны геологийн судалгаа хийх цэгүүдийг тэмдэглэв
МОНГОЛЫН МЭДЭЭ | НИЙГЭМ
Улаанбаатар, 2024 оны тавдугаар сарын 27 /МОНЦАМЭ/. Их багтаамжийн нийтийн тээвэр буюу метро байгуулах төслийн хүрээнд Энхтайваны өргөн чөлөө дагуу инженер, геологийн судалгааны өрөмдлөг хийх цэгүүдийг тэмдэглэлээ.
Метроны инженер, геологийн ажлыг 2-3 үе шаттай
гүйцэтгэнэ. Эхний шатанд хээрийн судалгаа хийхээр төлөвлөж буй трассын
дагуу газрын гадаргуугийн геологи, газарзүйн онцлогт шинж чанарын бичиглэл хийж
байгаа юм.
Тогтоосон байршлын дагуу зургаадугаар сарын 15-аас эхлэн 40 ширхэг цооногийг тус бүр 30 метрийн гүнтэй өрөмдөж, анхан шатны мэдээлэл цуглуулна. Үүний дараа метроны ТЭЗҮ-ийг нарийвчлан гаргана. Өрөмдлөгийг 30, 50, 70 метрийн гүн хийх тул тодорхой хугацаанд авто замын хөдөлгөөн хаах, гудамж талбайд чанга дуу гарах зэрэг нөлөөлөл үүсэж болзошгүйг НЗДТГ-ын ХМОНХХ анхааруулжээ.
