Нидерландын ГХЯ-ны Ази, Номхон далайн орнуудын газрын даргатай уулзав

МОНГОЛЫН МЭДЭЭ | ГХЯ-НЫ МЭДЭЭ
btlnmn@yahoo.com
2022-12-08 09:39:17

Улаанбаатар /МОНЦАМЭ/. Гадаад харилцааны яамны Олон улсын гэрээ, эрх зүйн газрын захирал С.Сүхболд Нидерландын Гадаад хэргийн яамны Ази, Номхон далайн орнуудын газрын дарга хатагтай Карин Моссинлехнертэй Гааг хотноо энэ сарын 5-нд уулзаж, хоёр орны харилцаа, хамтын ажиллагааны хүрээнд 2023 онд хэрэгжүүлэх арга хэмжээний талаар санал солилцов.

Мөн уулзалтын үеэр хоёр орны иргэдийн зорчих нөхцөлийг хялбаршуулах, зарим төрлийн паспорт эзэмшигч хоёр улсын иргэдийг визийн шаардлагаас чөлөөлөх тухай хэлэлцээрийн төслийн талаарх яриа хэлэлцээнд дэмжлэг үзүүлж байгаад талархал илэрхийлж, Нидерланд Улсад оршин сууж буй монгол иргэдийн жолооны үнэмлэхийг тус улсын жолооны үнэмлэхээр солих, хууль ёсны эрх ашгийг хамгаалах, хөдөлмөр эрхлэлтийг нэмэгдүүлэхэд дэмжлэг үзүүлэхийг хүсэв.

Холбоотой мэдээ