Монголын "U20" насны залуу бөхчүүд Бахрайн улсыг зорив
МОНГОЛЫН МЭДЭЭ | СПОРТУлаанбаатар /МОНЦАМЭ/. Бөхийн төрлүүдийн “U15” насны Азийн аварга шалгаруулах тэмцээн Бахрайн улсад үргэлжилж байгаа бөгөөд даваа гарагт чөлөөт бөхийн хөвгүүдээс 2 бөх хүрэл медаль хүртэв.
Тодруулбал, 57 кг-д Дархан-Уул аймаг, "Эрхэт Майнинг"
компанийн тамирчин Мягмарсүрэнгийн Сумъяабазар, 75 кг-д Сүхбаатар аймгийн
Мөнххаан сумын харьяат, Орхон аймгийн "Ирээдүйн одод" сургуулийн
тамирчин Энхбатын Бямбадорж нар хүрэл медалийн
эзэд болжээ.
Харин 38 кг-д Б.Анартулга, 41
кг-д У.Буянхишиг, 44 кг-д А.Мөнхтөгс, 48 кг-д М.Аманбек нар хүрэл медалийн
төлөөх барилдаанд ялагдсан байна.
Ташрамд дуулгахад, Чөлөөт бөхийн "U20" насны Ази тивийн аварга шалгаруулах тэмцээнд хүч, ур чадвараа сорин барилдах Монголын залуу бөхчүүд өнөөдөр Бахрайныг зорив.