Улаанбаатар
Сураггүй болсон иргэний цогцсыг олжээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн Дэлүүн сумын Хөх сэрх багийн иргэн,
45 настай, эрэгтэй С нь энэ сарын 29-ний өдөр өглөөний 9.00 цагийн үед ус авахаар Түвшин
нуур хэмээх газарт байсан гэрээсээ мотоциклээр гараад сураггүй болжээ.
Энэ талаарх дуудлагыг ар гэрийн хүмүүс нь өнөөдөр 04:30 цагийн үед онцгой
байдлын байгууллагад мэдэгдсэн байна.
Дуудлагын дагуу тус аймгийн Онцгой байдлын газрын Дэлүүн сум дахь Эрэн хайх
аврах бүлэг, Цагдаагийн хэсгийн алба хаагчид, ар гэрийнхэн иргэн С-г эрэн хайх
ажиллагааг зохион байгуулжээ.
Улмаар 06:00 цагийн үед тус багийн “Хөх сэрх” гэдэг газраас иргэний цогцсыг
олж Цагдаагийн байгууллагад шилжүүлэн өгсөн байна.
