Уулархаг нутгаар -40 хэм хүрч хүйтэрнэ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймгийн Ус, цаг уур, орчны шинжилгээний
төвөөс гаргасан энэ сарын 24-30-ны өдөр хүртэлх цаг агаарын урьдчилсан
мэдээгээр тухайн хугацаанд нийт нутгаар хүйтрэх төлөв ажиглагджээ.
Тодруулж хэлбэл энэ сарын 27-ны өдөр нутгийн өмнөд хэсгийн зарим газраар
ялимгүй цас орно. Энэ үеэр салхины хурд зарим газраар 12-14 м/с-д хүрч ширүүсэн, уул, даваануудад явган цасан шуурга шуурна.
Агаарын температур хот, суурин газраар шөнөдөө 25-30 градус, өдөртөө 12-17 градус,
уулархаг нутгаар шөнөдөө 35-40 градус, өдөртөө 20-25 градус хүйтэн байх
төлөвтэй.