Улаанбаатар
Төрийн дээд одон медалиар 100 гаруй хүн шагнав
ОРОН НУТГИЙН МЭДЭЭ | ХӨВСГӨЛ
Хүннү гүрэн байгуулагдсаны 2225, Их монгол улс байгуулагдсаны 810, Ардын хувьсгалын 95, хөвсгөл аймаг байгуулагдсаны 85 жилийн ойн босгон дээр Монгол улсын Ерөнхийлөгчийн зарлигаар Хөвсгөл аймгаас 100 гаруй хүн төрийн дээд одон медаль хүртэв.
Төрийн дээд одон медаль хүртээх зарлигийг ИТХ-ын нарийн бичгийн дарга С.Цогтоо сонордуулж, ИТХ-ын дарга Т.Болдбаатар, Засаг дарга А.Эрдэнэбаатар нар гардуулж баяр хүргэлээ. Энэ үеэр Хөдөлмөрийн гавяаны улаан тугийн одонгоор 1, Алтан гадас одонгоор 50, Хөдөлмөрийн хүндэт медалиар 30 хүн шагнуулав.
Б.Гантуяа
