Үнэт цаасыг биржийн бус зах зээлээр дамжуулан арилжих талаар хэлэлцэв

Монголын мэдээ | Нийгэм
oyundelger@montsame.gov.mn
2021-09-08 08:56:35

Улаанбаатар /МОНЦАМЭ/. Төрөөс мөнгөний бодлогын талаар 2022 онд баримтлах үндсэн чиглэлийн төсөл, Засгийн газрын дотоод үнэт цаасыг биржийн бус зах зээлээр дамжуулан арилжаалах талаар Санхүүгийн тогтвортой байдлын зөвлөлийн ээлжит хурлаар хэлэлцэж, мэдээлэл солилцлоо.


СТБЗ-ийн гишүүд төрөөс мөнгөний бодлогын талаар 2022 онд баримтлах үндсэн чиглэлийн төсөлд холбогдох саналаа хүргүүлж, төсөв, мөнгөний бодлогын уялдааг хангах чиглэлд хамтран ажиллахаа мэдэгджээ. Мөн биржийн бус зах зээлийг хөгжүүлэхэд чиглэсэн арга хэмжээг дэмжихээ илэрхийллээ.


Сангийн яаманд өчигдөр зохион байгуулсан хуралд Сангийн сайд Б.Жавхлан, Монголбанкны Ерөнхийлөгч Б.Лхагвасүрэн, Санхүүгийн зохицуулах хорооны дарга Д.Баярсайхан, Хадгаламжийн даатгалын корпорацийн гүйцэтгэх захирлын үүрэг гүйцэтгэгч С.Баатарсүрэн болон бусад албаныхан оролцов.

 

Холбоотой мэдээ