Улаанбаатар
Орон сууц, сургууль, цэцэрлэгийг дулаанаар хангахад бэлэн болжээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Нийслэлийн өвлийн бэлтгэл дууссан. Есдүгээр сарын 15-наас орон сууц, сургууль, цэцэрлэгийг дулаанаар хангахад бэлэн” гэдгийг нийслэлийн Удирдах ажилтнуудын шуурхай зөвлөгөөний үеэр мэдээлэв.
Улаанбаатар дулааны шугам сүлжээ ТӨХК-ний гүйцэтгэх захирал Г.Баярсайхан энэ үеэр ярихдаа, "10 дугаар хорооллоос "Сүлжмэлийн үйлдвэр" хүртэлх дулааны шугамын шинэчлэлийг 7 дугаар сарын 5-нд эхэлсэн. Есдүгээр сарын 15 гэхэд бүх хэрэглэгчийг хэрэглээний халуун усаар хангах төлөвлөгөөтэй" гэлээ.
Одоогоор нийт ажлын 74 хувийг хийгээд байгаа аж.
