Улаанбаатар
Булган аймгийн Засаг дарга Б.Ариун-Эрдэнэ мэндчилгээ дэвшүүллээ
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймгийн Засаг дарга Булганхангай нутгийн зон
олондоо Тулгар төрийн 2230, Их Монгол улсын
байгуулагдсаны 815 жил, Үндэсний эрх чөлөө, тусгаар тогтнолоо сэргээн
мандуулсаны 110 жил, Ардын хувьсгалын 100 жил, Ардчилсан хувьсгалын 32
жил, Анхдагч, алдартны өлгий Булган аймаг байгуулагдсаны түүхт 83 жилийн ойн мэндчилгээ
дэвшүүллээ.
Та бүхэндээ нар хур нь тэгширсэн зуны сайхан
улирлын мэндийг дэвшүүлье. Эх
сайхан оронд минь Ардын хувьсгал ялсны 100 жилийн ой өнөө жил тохиож байна.
Өнгөрсөн зууны түүхэнд Монголчуудын бүтээсэн бүхий л сайн, сайхан үйлсийн
манлайд нь явж ирсэн Булган нутгийнхаа баатарлаг, хөдөлмөрч, хичээнгүй
ард иргэд, азай буурлууд та бүхнээрээ залуу үеийнхэн үргэлж бахархаж явах
болно. Улирч буй зууны алдар гавьяагаа хэлэлцэж, ирэх нэгэн зууны амжилт,
ялалтаа бүтээцгээе гэж аймгийн Засаг дарга Б.Ариун-Эрдэнэ мэндчилгээндээ
онцолжээ.
