Ах, дүү гурван партизаны эд зүйлсийг Нэгдсэн музейн сан хөмрөгт хандивлажээ

ОРОН НУТГИЙН МЭДЭЭ | СЭЛЭНГЭ
otgontsetseg@montsame.mn
2021-06-11 10:13:21

Сэлэнгэ/МОНЦАМЭ/. Булган аймгийн Хутагндөр сумын харьяат, ардын хувьсгалын ах, дүү гурван партизаны хэрэглэж явсан зарим эд зүйлсийг Сэлэнгэ аймгийн Нэгдсэн музейн сан хөмрөгт хандивлажээ.

Жамаа Гэлэнгийн үр сад болох Зэнэмидэр, Рагчаа, Ойдов нар нь анч, малчин, хилийн харуулч хийж явсан байна. Ах дүү гурав ардын хувьсгалын ялалтад оролцож явсан партизан цэргүүд гэдгээрээ түүхэнд үүрэг гүйцэтгэж явсан алдартнууд юм. Иймээс тэдний зураг, эдэлж хэрэглэж явсан эд, хөөрөг даалин, төрийн одон медалиуд, бусад зүйлсийг ардын хувьсгалын 100 жилийн ойг тохиолдуулан үр сад нь ийн өвөг дээдсийнхээ дурсгалыг мөнхжүүлжээ. Энэхүү үйл ажиллагааг ах дүү гурван партизаны үр сад болох Г.Батбаяр, Р.Болдхуяг нар санаачилж, Жамаа Гэлэнгийн хүү Ойдов партизаны том хүү Рагчаа багшийн 2-р хүү Ганхуяг  хүндэтгэн оролцжээ. 


Холбоотой мэдээ