Баян-Өлгийн нутгаар дөрөвдүгээр сард олон жилийн дунджаас ахиу хур тунадас орно

ОРОН НУТГИЙН МЭДЭЭ | БАЯН-ӨЛГИЙ
bayanulgii@montsame.gov.mn
2021-04-01 11:38:55

Баян-Өлгий /МОНЦАМЭ/. Баян-Өлгий аймгийн Ус, цаг уур, орчны шинжилгээний төвөөс гаргасан дөрөвдүгээр сарын цаг агаарын урьдчилсан мэдээгээр тухайн хугацаанд олон жилийн дунджаас ахиу хур тунадас орох төлөв ажиглагджээ.

Нэг, хоёр, гуравдугаар арав хоногийн сүүлчээр зарим нутгаар хур тунадас орно.

Агаарын температур олон жилийн дундаж орчим байна. Нэг, хоёрдугаар арав хоногийн сүүлчээр агаарын температур өмнөх үеэсээ 3-8 хэмээр хүйтэрнэ.

Салхины хурд ихэнх хугацаанд 5-10 м/с байна. Нэг болон гуравдугаар арав хоногийн сүүлчээр 18-20, зарим үед 24 м/с-д хүрч ширүүсэж, шороон болон цасан шуурга шуурах ажээ. 

Холбоотой мэдээ