“COVAX” хөтөлбөрөөр Монгол Улсад 189 мянган тун вакцин нийлүүлнэ

Дэлхийд | Эрүүл мэнд
khulan@montsame.gov.mn
2021-02-04 16:51:23

ЖЕНЕВ. /Gavi/. Дэлхийн эрүүл мэндийн байгууллагын /ДЭМБ/ санаачилсан “COVAX” хөтөлбөр Монгол Улсад 188 940 тун вакцин нийлүүлэхээр төлөвлөж байгаагаа мэдэгдлээ.


Тодруулбал, “AstraZeneca” компани, Оксфордын их сургуульд гарган авсан “COVID-19”-ийн вакцинаас 163 200 тун, “Pfizer-BioNTech” компанийн вакцинаас 25740 тунг манай улсад энэ оны эхний хагаст нийлүүлэх ажээ.


Эпидемийн бэлэн байдлын инновацын эвсэл, “Гави” холбоо, ДЭМБ-ын хамтран хэрэгжүүлж буй “COVAX” хөтөлбөр 2021 оны эхний хагаст 337 сая вакцин түгээх тухай урьдчилсан тайлангаа лхагва гарагт танилцуулсан юм.


“COVAX” хөтөлбөрийн вакцин түгээх урьдчилсан тайланд дурдсанаар, “AstraZeneca-Oxford”-ын 336 сая тун, “Pfizer-BioNTech”-ийн 1.2 сая тун вакцин нь 140 гаруй орны хүн амын 3.3 хувийг дархлаажуулахад хүрэлцэх ажээ.

Холбоотой мэдээ