Хадгаламжийн хүүгийн татвараас 1,3 тэрбум төгрөгийг төсөвт төвлөрүүлжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий
/МОНЦАМЭ/. Баян-Өлгий аймгийн Татварын хэлтэс 2020 онд 12 тэрбум 245 сая
төгрөгийг төсөвт төвлөрүүлэхээс 13 тэрбум 354 тэрбумыг төвлөрүүлж,
төлөвлөгөөгөө 109,1 хувиар давуулан биелүүлжээ.
Үүнээс 378 сая
төгрөгийг аж ахуйн нэгжийн орлогын албан татвараас, 1,6 тэрбумыг НӨАТ-аас, 7
тэрбум 354 сая төгрөгийг цалин хөлс, хөдөлмөр эрхлэлтийг орлогоос, 1 тэрбум
төгрөгийг үйл ажиллагааны орлогоос тус тус оруулжээ.
Харин иргэдийн
банкан дахь хадгаламжийн хүүгийн орлогоос авсан татварын хэмжээ 1 тэрбум 366
сая төгрөг байна. Энэ нь 2019 онтой харьцуулахад 221 сая төгрөгөөр өссөн
үзүүлэлт аж.
Ташрамд сануулахад,
УИХ-аас 2017 онд Хувь хүний орлогын албан татварын тухай хуульд өөрчлөлт
оруулж, 2018 оны нэгдүгээр сарын 1-нээс эхлэн хадгаламжийн хэмжээ, хугацаанаас
үл хамаарч бүх хадгаламж эзэмшигчдэд 10 хувийн татвар ногдуулж байгаа юм.