Д.Нямхүү: Коронавирусээр халдварласан нийт 225 хүн эдгэрсэн
МОНГОЛЫН МЭДЭЭ | ЭРҮҮЛ МЭНДУлаанбаатар/МОНЦАМЭ/. ХӨСҮТ болон Дархан- Уул аймгын вирус судлалын лабораторид өнгөрсөн 24 цагт нийт 520 хүний сорьцод шинжилгээ хийхэд коронавирус илрээгүй талаар ХӨСҮТ-ийн захирал Д.Нямхүү ЭМЯ-ны ээлжит мэдээллийн үеэр мэдээлэв.
Монгол Улсад батлагдсан тохиолдол 291 байгаагаас 225 хүн эдгэрч дараагийн шатны хяналтад шилжсэн бол эмчилгээнд 66 хүн байна. Биеийн байдал хөнгөн 62, хүндэвтэр 3, хүнд 1 хүн байна хэмээн ХӨСҮТ-ийн захирал Д.Нямхүү тодотгов.