“Үхэшгүй мөнхийн хороо” жагсаал болов

Орон нутагт | Орхон
orkhon@montsame.mn
2016-05-09 02:14:47
oyuka_hu@yahoo.com

Өнгөрсөн амралтын өдөр Орхон аймагт Аугаа их Ялалтын 71 жилийн ойн баярыг тэмдэглэлээ. Энэ жил анх удаа “Үхэшгүй мөнхийн хороо” өдөрлөг зохион байгуулж “Найрамдлын өндөрлөг”-өөс А.Амарын талбай хүртэл цэрэг, хүчний байгууллагын жагсаал болов.

Уг жагсаалд Эрдэнэт хотод суугаа ОХУ-ын иргэд, ахмад дайчид болон тэдний ар гэр, Халх гол, 1945 оны Чөлөөлөх дайнд оролцож байсан ахмадууд нэгдсэн юм. Дэлхийн хоёрдугаар дайны ялалтад монголчуудын оруулсан хувь нэмэр их гэдгийг хойч, залуу үедээ ойлгуулахын тулд уг жагсаалыг зохион байгуулсан гэж аймгийн Цэргийн штабын дарга, хурандаа Г.Батсуурь онцоллоо.

                                                                                                                       Б.Оюун-Эрдэнэ

Холбоотой мэдээ