Улаанбаатар
Булган аймагт дөрвөн аймгийн 127,8 мянган мал оторлож байна
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймагт Төв, Өвөрхангай, Архангай, Дундговь
аймгийн 19 сумын 423 өрх 340,1 мянган малтай өвөлжиж хаваржжээ. Одоогоор дээрх
аймгийн 168 өрх 127,8 мянган малтайгаа зусаж байна гэж аймгийн Хүнс, хөдөө аж
ахуйн газраас мэдээллээ.
- Отроор
ирсэн малчид гэрээний дагуу өнгөрсөн сард нүүх байсан боловч бэлчээр
чөлөөлөөгүй, заасан хонд, бууцанд буухгүй нутгийн иргэдийн нөөцөлж байсан
бэлчээрийг дураараа ашигласан, малын сэг зэм, хог хаягдлаа цэвэрлэлгүй хаяж
нүүсэн зэрэг бэрхшээлтэй асуудал гаргаж байна гэж Хүнс, хөдөө аж ахуйн газрын мал
үржлийн албаны дарга М.Жавзандолгор танилцууллаа.
Аймгийн
мал аж ахуйн өвөлжилт, хаваржилтын бэлтгэлийг хангахдаа өөр аймгийн малчдыг
зөвхөн отрын бүс нутагт байлгах арга хэмжээг эртнээс авна гэж аймгийн Засаг
даргын орлогч О.Гантулга мэдэгдэж байсан юм.
Засгийн
газар бусад аймаг, суманд отроор өвөлжиж, хаваржсан малчдыг зуншлагын байдалтай
уялдуулан энэ оны 7-р сарыг дуустал тухайн бүс нутгаас нүүлгэхгүй байхыг чиглэл болгосон байна.
