Эрхүү мужид коронавирусээр халдварласан хүний тоо 1000 давжээ
ДЭЛХИЙН МЭДЭЭ | ЭРҮҮЛ МЭНДЭРХҮҮ. /TASS/.
Эрхүү мужид коронавирусээр халдварласан хүний тоо нэг
өдрийн дотор 120-оор нэмэгдэж, нийт тохиолдлын тоо 1078-д хүрчээ.
Тус бүс нутгийн коронавирустэй тэмцэх шуурхай штабын мэдээлснээр, Эрхүү
мужид цар тахлын халдвар дэгдэж эхэлснээс хойш 203 хүн эмчлэгдэж, 8 хүн нас
баржээ. Халдвар авсан хүмүүсийн 298 нь ээлжийн ажилтнууд байжээ. Тэдний дийлэнх
нь Эрхүүгийн газрын тосны компанийн байгууламжуудад ажиллахаар Усть-Кут хотод
ирсэн гэрээт ажилтнууд болон Бодайбо хот дахь алт олборлох үйлдвэрийн ажилтнууд
байжээ.
Эрхүү муж нь коронавирусний халдварын тохиолдол 1000 давсан Сибирийн
холбооны тойргийн 4 дэх бүс нутаг болж байна. Өмнө нь Новосибирь муж болон
Краснояр, Алтайн хязгаарт халдвар авсан хүний тоо 1000 давжээ.