Үүлэнд зориудаар нөлөөлж хур тунадасны хэмжээг нэмэгдүүлж байна
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймгийн Ус, цаг
уур, орчны шинжилгээний төвийн “Өлгий бороо” экспедиц энэ сарын 5-наас үүлэнд
зориудаар нөлөөлж байна.
"Цэнгэл сумын Шарговь, Сагсай сумын Харгант, Улаанхус
сумын Их Ойгор хэмээх газраас пуужин харваж, Сагсай сумын Даян нутагт ноцоох
зуух /генератор/ ажиллуулж байна. Экиспедиц өнөөдөр мөн үүлийг дагаж хур тунадас
оруулах арга хэмжээ авна" гэж тус газраас мэдээллээ.
Үүлэнд зориудаар нөлөөлөх ажлын үр дүнд одоогоор
Өлгий суманд 4 мм /цасны зузаан 3 см/, Сагсайд 2 мм /цасны зузаан 3 см/,
Улаанхуст 2 мм /цасны зузаан /1 см/, Цэнгэл суманд 0,2 мм хур тунадас бууж, Баяннуур
суманд бороо оржээ.
Харин бусад сумын хувьд уулаараа цас оржээ.