Иргэдэд үнэ төлбөргүй амны хаалт тараав
ОРОН НУТГИЙН МЭДЭЭ | СҮХБААТАРСүхбаатар /МОНЦАМЭ/. Улсын Онцгой комиссын шийдвэрээр "Маскаа зүүцгээе" аяныг 05 дугаар сарын 31-нийг хүртэл улс орон даяар өрнүүлж байгаа. Үүний дагуу Сүхбаатар аймгийн ЗДТГ-аас 1500 ширхэг амны хаалтыг иргэдэд үнэ төлбөргүй тараалаа.
Амны хаалтыг аймгийн ЗДТГ-ын мэргэжилтнүүд худалдаа үйлчилгээний байгууллага, өрхийн болон нэгдсэн эмнэлэг, нийтийн гудамж талбай зэрэг олон хүн цуглардаг газруудаар явж тараасан юм. Иргэд ч үүнд сайшаалтай хандаж, улс болон аймаг орон нутгийн хэмжээнд гарч буй заавар зөвлөмжийг дагаж мөрдөж байгаагаа илэрхийлж байлаа.