“Brent” маркийн нефтийн үнэ 30 ам.доллар давжээ

Дэлхийд | Эдийн Засаг
Jargal.d@montsame.mn
2020-04-03 15:40:16

МОСКВА. /RIA Novosti/. “ОПЕК+” бүлгийн сайд нар дөрөвдүгээр сарын 6-нд видео хурал хийнэ гэж Азербайжаны Эрчим хүчний яамнаас мэдэгдсэний дараа “Brent” маркийн нефтийн үнэ өсөж эхэлжээ.


Лондоны ICE биржийн цахим хуудсанд нийтлэгдсэн мэдээллээс үзвэл, “Brent” маркийн нефтийн зургадугаар сард нийлүүлэх гэрээний үнэ 0.27 хувиар өсөж, нэг торх нь 30.02 ам.доллар болсон бол “WTI” маркийн нефтийн тавдугаар сарын фьючерс хэлцлийн үнэ 1.78 хувиар буурч, нэг торх нь 24.87 ам.долларт хүрсэн байна.


Ирэх даваа гарагт болох "ОПЕК+" буюу Нефть экспортлогч улсуудын байгууллагын гишүүн болон гишүүн бус 11 улсын видео хуралд бүх орны сайд нар оролцоно гэж Азербайжаны Эрчим хүчний яам мэдээлсний дараа “Brent” маркийн нефтийн үнэ өсөж, харин “WTI” маркийн нефтийн үнийн уналтын хурдац эрс удааширсан байна. Уг хурлын үеэр "ОПЕК+" бүлгийн хамтын ажиллагааны шинэ тунхгийг хэлэлцэхээр төлөвлөжээ.


Пүрэв гаргийн арилжааны явцад огцом өссөн нефтийн үнэ баасан гаргийн өглөө 6 хувиар буурчээ.  


Холбоотой мэдээ