Улаанбаатар
Эмээлтийн товчоонд саатуулагдсан иргэний гэрийн ажиглалтын хугацаа дуусч байжээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн Өлгий хотод ажиглалтад байсан иргэн Улаанбаатар хотын Эмээлтийн товчоонд өнөөдөр саатуулагдсан. Уг асуудлаар аймгийн Эрүүл мэндийн газрын дарга С.Айгүлээс тодрууллаа.
Тэрээр, "Тухайн иргэн Казахстан улсаас энэ сарын 13-ны өдөр Монгол Улсад нэвтэрч тусгаарлагдсан
бөгөөд гэр гэрт нь ажиглалтад авсан 59 иргэний нэг юм. Тэр үед Казахстанд Ковид-19 вирусний халдвар бүртгэгдээгүй байсан ч бид урьдчилан сэргийлэх
зорилгоор ажиглалтад авсан. Ажиглалтын хугацаа нь 26-ны өдрөөр дуусгавар болж
байгаа. Биеийн байдал нь сайн, ямар нэгэн өвчний сэжиг, халуурсан, бүлээрсэн асуудал
байхгүй. Түүнтэй энэ сарын 26-ны өдрийн 09:00 цагт харьяа Өрхийн эрүүл
мэндийн төвөөс холбогдож, тусгаарлалтын хугацаа дууссан ч нийтийн тээврээр
зорчихгүй байх, өвчний шинж тэмдэг илэрсэн тохиолдолд нэн даруй мэргэжлийн
байгууллагад хандах зэрэг зөвлөгөө өгсөн. Харамсалтай нь өөр хүний нэр дээр
тасалбар бичүүлж, тухайн өдрийн 10:00 цагт орон нутгийн автобусаар Улаанбаатар хот руу зорчсон
байна" гэлээ.
Саатуулагдсан
иргэн Хэнтий аймгийн харьяалалтай бөгөөд гэр бүлтэйгээ тэнд амьдардаг байжээ.
