Мөсний баярыг тэмдэглэхгүй байх санал гаргажээ

МОНГОЛЫН МЭДЭЭ | БАЙГАЛЬ ОРЧИН
192@montsame.mn
2020-02-12 12:47:18

Улаанбаатар /МОНЦАМЭ/. Хөвсгөл аймгийн удирдлага ирэх 3 дугаар сарын 3-4-нд Хөвсгөл далайн эрэгт болох "Хөх сувд" мөсний баярыг энэ жил өнжөөх санал гаргажээ. 

Хөвсгөл аймагт шинэ коронавирусний сэжигтэй тохиолдол бүртгэгдсэн тул Аймгийн онцгой комиссоос мөсний баярыг энэ удаа зохион байгуулахгүй байх саналыг БОАЖЯ-нд уламжлаад байна.

Жил бүр уламжлал болгон зохион байгуулдаг “Хөх сувд” мөсний баярыг 2000 оноос эхэлсэн юм. Өнгөрсөн жил болсон "Хөх Сувд-2019" мөсний баярт 3000 орчим тээврийн хэрэгсэл, гадаад, дотоодын 20.000 орчим хүн оролцсон байна.



Холбоотой мэдээ