Цэргийн бүртгэл нийслэлд 95.3 хувьтай дуусав
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. Нийслэл хотод цэргийн бүртгэл 95.3 хувьтай дууссан талаар Цэргийн бүртгэлийн ажлын хэсгээс өнөөдөр мэдээллээ.
Нийслэлийн Засаг даргын захирамжийн дагуу энэ оны нэгдүгээр сарын 20-ноос 2 дугаар сарын 7-ныг дуустал явагдсан энэ удаагийн цэргийн бүртгэлд төрийн 709 албан хаагч, хэсгийн 1605 ахлагч, нийт 2314 албан хаагч ажиллажээ. Цэргийн бүртгэл:
- Баянгол дүүрэгт 91.8 хувь,
- Баянзүрх дүүрэгт 97.4 хувь,
- Сонгинохайрхан дүүрэгт 95.2 хувь,
- Чингэлтэйд 95.2 хувь,
- Сүхбаатар дүрэгт 96.2 хувь,
- Хан-Уулд 94.6 хувь,
- Налайхад 95.9 хувь,
- Багануурт 97.6 хувь,
- Багахангай дүүрэгт 98:3 хувьтай өндөрлөв.
Цэргийн бүртгэлд хамрагдаагүй иргэдийг энэ оны 3 дугаар сарын 5-15-нд дүүргүүдийн цэргийн штабт торгуульгүй бүртгэнэ.
Халдварт өвчин гарч Нийслэлийн Засаг даргын захирамжаар хорио тогтоосонтой холбогдуулан цэргийн бүртгэлд хамрагдаагүй иргэдийг энэ оны 3 дугаар сарын 5-15-нд буюу хорио цээрийн хугацаа дууссан хойно дүүргүүдийн цэргийн штабт торгуульгүй бүртгэх юм байна.