“Ялалт 70” хөшөөнд цэцэг өргөлөө
ФОТО МЭДЭЭОрхон /МОНЦАМЭ/ Өнөөдөр аугаа их эх орны дайны ялалтын 74 жилийн ой тохиож байна. Энэ түүхэн өдрийг Орхон аймгийн ЗДТГ, “Эрдэнэт үйлдвэр” ТӨҮГ, Дархан-Уул аймаг дахь ОХУ-ын Ерөнхий консул хамтран олон арга хэмжээ зохион байгуулдаг юм.
Ялалтын баярын арга хэмжээ аймгийн ИТХ, Засаг дарга болон Орхон аймагт ажиллаж амьдарч байгаа ОХУ-ын иргэд, ахмад дайчид “Ялалт 70” хөшөө, “Эрдэнэт үйлдвэр” ТӨҮГ-ын Захиргааны II
дугаар байрны өмнөх “Жанжнуудын хөшөө”, “Найрамдлын
өндөрлөг”-т цэцэг өргөснөөр эхэллээ. Үүний дараа А.Амарын талбайд “Үхэшгүй мөнхийн хороо” баярын жагсаал болж, ахмад дайчид, хүндэт зочдыг орон нутгийн удирдлагууд хүлээн авч хүндэтгэл үзүүллээ.