Өлгий хотод газар хөдлөлтийн чичирхийлэл мэдрэгджээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Баян-Өлгий аймгийн Өлгий хотод өнөөдөр орон нутгийн
цагаар өглөөний 06:46 минут, 06:57 минутад хоёр удаа газар хөдлөлт болжээ. Чичирхийлэл
орон сууцны дээд давхрын хүмүүст илт мэдрэгдсэн байна.
ШУА-ийн Одон орон, геофизикийн хүрээлэнгийн Баян-Өлгий аймаг дахь салбараас
өгсөн мэдээллээр газар хөдлөлтийн голомт Увс аймгийн Сагил сумаас баруун зүгт
30 км газарт бүртгэгдсэн бөгөөд эпицентртээ 4,4-4,5 магнитудын хүчтэй байжээ.
Газар хөдлөлтийн улмаас иргэдэд ямар нэгэн байдлаар хохирол учирсан
тухай мэдээлэл байхгүй байна.