Улаанбаатар
Орос хэлний олимпиад боллоо
ОРОН НУТГИЙН МЭДЭЭ | УВС
Увс /МОНЦАМЭ/. Улсын Орос хэлний олимпиадын хоёрын даваа буюу аймгийн шатны шалгаруулалт өчигдөр Улаангом хотноо боллоо. Олимпиадад 9, 12-р ангийн 46 сурагч, орос хэлний 28 багш оролцож, шилдгүүдээ шалгарууллаа.
9-р ангийн төрөлд Өлгий сумын ЕБС-ийн сурагч Л.Нармандах, Улсын тэргүүний 1-р цогцолбор сургуулийн Т.Цолмон, Улсын тэргүүний 2-р цогцолбор сургуулийн М.Түмэнбаяр нар тэргүүлсэн байна. Харин 12-р ангийн төрөлд Улсын тэргүүний 2-р цогцолбор сургуулийн сурагч Б.Энхзул, Улсын тэргүүний 1-р цогцолбор сургуулийн Э.Энхтуул, Зүүнговь сумын ЕБС-ийн сургуулийн Б.Анхцэцэг нар эхний гурван байр эзэлсэн байна.
Багш
нарын төрөлд Улсын тэргүүний 1-р цогцолбор сургуулийн
багш Л.Чимгээ, Ерөнхий боловсролын 4-р
сургуулийн З.Нина, Тэс сумын Ерөнхий
боловсролын 1-р
сургуулийн багш Р.Чойжилсүрэн нар шалгарлаа.
Амжилттай оролцсон багш, сурагчид ирэх сарын эхээр Улаанбаатар хотноо зохион байгуулагдах олимпиадын гурвын даваанд оролцохоор болсон байна.
