Улаанбаатар
Д.Трамп: Саудын Арабтай байгуулсан гэрээг цуцлах нь Орос, Хятадад л ашигтай
ДЭЛХИЙН МЭДЭЭ | УЛС ТӨР
ВАШИНГТОН.
/ТАСС/. Саудын Арабтай
байгуулсан зэвсгийн гэрээг цуцлах нь Орос болон Хятадад л ашигтай хэмээн АНУ-ын
Ерөнхийлөгч Дональд Трамп мэдэгджээ.
“Өнгөрсөн жил Саудын Арабт айлчлах үеэрээ хийсэн хүндхэн яриа хэлэлцээний дараа Саудын Араб АНУ-д 450 тэрбум ам.долларын хөрөнгө оруулахыг зөвшөөрсөн нь дээд амжилт юм. Олон мянган ажлын байр бий болж, АНУ-ын эдийн засаг, нийгмийн сайн сайхан байдалд эдийн засгийн ихээхэн өсөлт бий болно. Гэрээг бид бодлогогүй цуцалвал Орос болон Хятад улс асар их давуу талыг ашиглаж, шинэ зах зээлийг эзлэхдээ баяртай байх болно. Энэ бол тэдний хувьд АНУ-аас өгч буй бэлэг байх болно. Зарим асуултын хариултыг хэзээ ч олж авч чадахгүй байж магадгүй байгаа сэтгүүлч Жамаль Хашоггийн амийг хөнөөсөн хэрэг асуудал хэвээр үлдээд байгаа хэдий ч АНУ урьдын адил Саудын Арабын найдвартай түнш хэвээр байх бодолтой байгаа” хэмээн тэрбээр ярьсан байна.
Түүнчлэн тэрбээр Саудын Арабын эсрэг авч хэрэгжүүлэх Конгрессын санал болгосон
арга хэмжээнүүд нь АНУ-ын аюулгүй байдлыг дээд зэргээр хангах нөхцөлд тэдгээрийг авч хэлэлцэхэд бэлэн байна гэж мэдэгджээ.
