84 согтуу жолооч журамлагдав
МОНГОЛЫН МЭДЭЭ | ХУУЛЬЭнэ сарын сүүлийн өдрийн байдлаар Улаанбаатар хотын Замын цагдаагийн газрын ЖШУХ дээр 329 дуудлага мэдээ мэдээлэл хүлээн авснаас зам тээврийн ослын 238 дуудлага бүртгэгджээ. Согтуугаар тээврийн хэрэгсэл жолоодсон 84 жолоочийг журамлан гарч болзошгүй осол хэргээс урьдчилан сэргийлэв.
Сүхбаатар дүүргийн нутаг Энхтайваны өргөн чөлөө, Улаанбаатар их дэлгүүрийн зогсоолд Lexus-570 маркийн авто машины жолооч Б нь явган зорчигч 34 настай эрэгтэй Б-г мөргөж гэмтээсэн. Явган зорчигч Б нь согтууруулах ундааны зүйл хэрэглэсэн үедээ замын хөдөлгөөнд оролцож байснаас уг хэрэг гарсан байна. Төв аймгийн Борнуур сумын нутаг Салхитын Ар гэх газар Т.Harrier маркийн авто машины жолооч Б нь Х.Верна маркийн А жолоочтой авто машинтай мөргөлдөж зорчигч 58 настай эмэгтэй С нас баржээ.
Ж.Батсайхан