Норовлин суманд гарсан ойн түймрийг бүрэн унтраажээ
МОНГОЛЫН МЭДЭЭ | НИЙГЭМ
Улаанбаатар, 2025 оны тавдугаар сарын 13 /МОНЦАМЭ/. Хэнтий аймгийн Норовлин суманд тавдугаар сарын 8-нд гарсан ойн түймрийг өнөөдөр 08:00 цагт бүрэн унтраасан тухай ОБЕГ мэдээлэв.
Түймрийг унтраахад Хэнтий, Дорнод, Сүхбаатар аймгийн Онцгой байдлын газар, нийслэлийн Багануур дүүргийн Онцгой байдлын хэлтэс, Норовлин, Дадал, Батноров, Хэрлэн, Баян-Уул сумын мэргэжлийн анги, орон нутгийн сайн дурын "Хан-Уул", “Баянгол" нөхөрлөл, "Онон-Балж" байгалийн цогцолбор газрын 236 хүн, 29 автомашин, техник хэрэгсэлтэй ажиллажээ.
Түймэрт урьдчилсан байдлаар 7300 гаруй га талбай өртсөн байна.
Related news

Their Majesties the Emperor and Empress of Japan Visit General Education School in Ulaanbaatar
1 day

General Police Department: Facilities Ready to Assist Lost Children During Naadam Celebrations
1 day