Улаанбаатар
ДГХБО-уудын Олон улсын судалгааны төв үйл ажиллагаагаа эхлэх боломж бүрдлээ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Далайд гарцгүй хөгжиж буй орнууд /ДГХБО/-ын Олон улсын судалгааны төв Захирагчдын зөвлөлийн анхдугаар хурал энэ сарын 21-ний өдөр Улаанбаатар хотноо боллоо. Хурлын дүнд Монгол Улсын санаачилсан анхны олон улсын Засгийн газар хоорондын байгууллага болох уг судалгааны төв албан ёсоор үйл ажиллагаагаа эхлүүлэх боломж бүрдэв.
Монгол Улс тус судалгааны төвийг Улаанбаатар хотноо үүсгэн байгуулах тухай санаачлагыг 2006 онд Гавана хотноо болсон ДГХБО-ын дээд түвшний уулзалтын үеэр анх гаргасан билээ. Санаачлагыг хэрэгжүүлэх зорилгоор манай улс НҮБ болон далайд гарцгүй бусад орны дэмжлэгийг авах чиглэлээр идэвхтэй ажилласны дүнд НҮБ-ын Ерөнхий нарийн бичгийн дарга 2009 онд Монгол Улсад хийсэн албан ёсны айлчлалын үеэр ДГХБО-ын ОУСТ-ийн шавыг тавьсан.
ОУСТ-ийг Улаанбаатар хотноо байгуулах тухай олон талт хэлэлцээрийн төслийг НҮБ-тай хамтран боловсруулж, ДГХБО-ын Гадаад хэргийн сайд нарын хурлаар 2010 оны есдүгээр сард баталсан бөгөөд 2012 оноос ДГХБО-ын ОУСТ-ийн Түр нарийн бичгийн дарга нарын газрыг байгуулж, 2014 оны 1 дүгээр сараас НҮБ-ын Хөгжлийн хөтөлбөртэй хамтран “ДГХБО-ын ОУСТ-ийн үйл ажиллагааг эхлүүлэх төсөл”-ийг хэрэгжүүлж эхэлсэн. Хэлэлцээрийг далайд гарцгүй орнуудаар соёрхон батлуулах, төвийг байгуулах, үйл ажиллагааг эхлүүлэх чиглэлээр манай улс идэвхтэй ажилласан бөгөөд олон талт хэлэлцээр 2017 оны 10 дугаар сарын 6-ны өдөр хүчин төгөлдөр болсон билээ.
Улмаар өчигдөр тус төвийн захирагч нарын анхдугаар хуралдааныг Улаанбаатарт хийж, ДГХБО-ын ОУСТ-ийг үүсгэн байгуулах тухай олон талт хэлэлцээрт нэгдэн орсон Армян, Афганистан, Балба, Буркина Фасо, Бутан, Казахстан, Киргиз, Лаос, Монгол, Парагвай, Тажикистан, Этиоп Улсын төлөөлөгчид оролцож, ОУСТ-ийн үйл ажиллагааны ерөнхий зарчим, Захирагчдын зөвлөлийн дотоод журам, байгууллагын бүтэц болон санхүүжилт зэрэг асуудлыг хэлэлцэж, холбогдох шийдвэр гаргав. Мөн хүлээн авагч орны хэлэлцээрийн төслийг хэлэлцэн тохирч, хэлэлцээрийг Монгол Улсын Засгийн газартай байгуулах эрхийг ОУСТ-ийн Гүйцэтгэх захиралд олголоо.
Манай улс Захирагчдын зөвлөлийн анхдугаар хуралд Гадаад харилцааны дэд сайдын түвшинд оролцож, хурлын даргаар сонгогдон ажиллав. Түүнчлэн, Захирагчдын зөвлөлийн анхдугаар хурлаар ОУСТ-ийн Гүйцэтгэх захирлыг томилсон бөгөөд тус албан тушаалд захирлын үүрэг гүйцэтгэгчээр 2012 оноос хойш ажиллаж ирсэн Э.Одбаярын нэрийг манай улсаас дэвшүүлж, Захирагчдын зөвлөлийн гишүүд санал нэгтэйгээр сонгов. Ийнхүү манай улсын санаачилсан анхны олон улсын Засгийн газар хоорондын байгууллага албан ёсоор үйл ажиллагаагаа эхлүүлэх боломж бүрдээд байна.
Монгол Улс тус судалгааны төвийг Улаанбаатар хотноо үүсгэн байгуулах тухай санаачлагыг 2006 онд Гавана хотноо болсон ДГХБО-ын дээд түвшний уулзалтын үеэр анх гаргасан билээ. Санаачлагыг хэрэгжүүлэх зорилгоор манай улс НҮБ болон далайд гарцгүй бусад орны дэмжлэгийг авах чиглэлээр идэвхтэй ажилласны дүнд НҮБ-ын Ерөнхий нарийн бичгийн дарга 2009 онд Монгол Улсад хийсэн албан ёсны айлчлалын үеэр ДГХБО-ын ОУСТ-ийн шавыг тавьсан.
ОУСТ-ийг Улаанбаатар хотноо байгуулах тухай олон талт хэлэлцээрийн төслийг НҮБ-тай хамтран боловсруулж, ДГХБО-ын Гадаад хэргийн сайд нарын хурлаар 2010 оны есдүгээр сард баталсан бөгөөд 2012 оноос ДГХБО-ын ОУСТ-ийн Түр нарийн бичгийн дарга нарын газрыг байгуулж, 2014 оны 1 дүгээр сараас НҮБ-ын Хөгжлийн хөтөлбөртэй хамтран “ДГХБО-ын ОУСТ-ийн үйл ажиллагааг эхлүүлэх төсөл”-ийг хэрэгжүүлж эхэлсэн. Хэлэлцээрийг далайд гарцгүй орнуудаар соёрхон батлуулах, төвийг байгуулах, үйл ажиллагааг эхлүүлэх чиглэлээр манай улс идэвхтэй ажилласан бөгөөд олон талт хэлэлцээр 2017 оны 10 дугаар сарын 6-ны өдөр хүчин төгөлдөр болсон билээ.
Улмаар өчигдөр тус төвийн захирагч нарын анхдугаар хуралдааныг Улаанбаатарт хийж, ДГХБО-ын ОУСТ-ийг үүсгэн байгуулах тухай олон талт хэлэлцээрт нэгдэн орсон Армян, Афганистан, Балба, Буркина Фасо, Бутан, Казахстан, Киргиз, Лаос, Монгол, Парагвай, Тажикистан, Этиоп Улсын төлөөлөгчид оролцож, ОУСТ-ийн үйл ажиллагааны ерөнхий зарчим, Захирагчдын зөвлөлийн дотоод журам, байгууллагын бүтэц болон санхүүжилт зэрэг асуудлыг хэлэлцэж, холбогдох шийдвэр гаргав. Мөн хүлээн авагч орны хэлэлцээрийн төслийг хэлэлцэн тохирч, хэлэлцээрийг Монгол Улсын Засгийн газартай байгуулах эрхийг ОУСТ-ийн Гүйцэтгэх захиралд олголоо.
Манай улс Захирагчдын зөвлөлийн анхдугаар хуралд Гадаад харилцааны дэд сайдын түвшинд оролцож, хурлын даргаар сонгогдон ажиллав. Түүнчлэн, Захирагчдын зөвлөлийн анхдугаар хурлаар ОУСТ-ийн Гүйцэтгэх захирлыг томилсон бөгөөд тус албан тушаалд захирлын үүрэг гүйцэтгэгчээр 2012 оноос хойш ажиллаж ирсэн Э.Одбаярын нэрийг манай улсаас дэвшүүлж, Захирагчдын зөвлөлийн гишүүд санал нэгтэйгээр сонгов. Ийнхүү манай улсын санаачилсан анхны олон улсын Засгийн газар хоорондын байгууллага албан ёсоор үйл ажиллагаагаа эхлүүлэх боломж бүрдээд байна.
Н.Туяа
