Улаанбаатар
Төрийн албаны удирдах ажилтны сонгон шалгаруулалт зарлалаа
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Төрийн албаны зөвлөлөөс Баян-Өлгий аймгийн төрийн албаны удирдах ажилтны зургаан сул орон тоонд өнөөдөр сонгон шалгаруулалт зарлалаа.
Энэ удаад аймгийн ЗДТГ-ын Төрийн захиргаа, удирдлагын хэлтэс, аймгийн Стандарт, хэмжил зүйн хэлтэс, Боловсрол, соёл, урлагийн газар, Санхүүгийн хяналт, аудитын албаны дарга, Эрүүл мэндийн газрын Зоонозын өвчин судлалын төвийн дарга болон Бугат сумын ЗДТГ-ын дарга албан тушаалд сонгон шалгаруулалт явуулахаар болжээ.
Сонгон шалгаруулалтад өрсөлдөх иргэдийг ирэх сарын 2-ны өдөр бүртгэж, 4-ний өдөр шалгалт авах ажээ.
Дашрамд дурдахад, өнгөрсөн хоёрдугаар сарын 23-ны өдөр аймгийн Газрын харилцаа, барилга, хот, байгуулалтын газар, Хүнс, хөдөө аж ахуйн газар, аймгийн ЗДТГ-ын Санхүү, төрийн сангийн хэлтэс, Хөгжимт Драмын Театрын дарга болон Буянт, Алтай, Сагсай сумдын ЗДТГ-ын дарга, Цэнгэл сумын ИТХ-ын нарийн бичгийн даргын сул орон тоонд сонгон шалгаруулалт явуулж байсан юм.
Ө.Нурболат
