Улаанбаатар
"Сүлд" чуулгын уран бүтээлчид Өвөрхангайд ажиллав
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Цагдаагийн Ерөнхий Газрын “Сүлд” чуулгын уран бүтээлчид Арвайхээр хотноо “Үргэлж тантай хамтдаа” өдөрлөгийг хоёр өдрийн турш зохион байгууллаа.
Цагдаагийн байгууллагын соён гэгээрүүлэх ажилд дэмжлэг үзүүлэх, Олон нийт цагдаагийн хамтын ажиллагааг бэхжүүлэх, Гэмт хэрэгтэй тэмцэх, урьдчилан сэргийлэх ажилд идэвх санаачилгатай ажиллаж байгаа аж ахуйн нэгж, байгууллага, иргэнийг алдаршуулах зорилгоор өдөрлөгийн үйл ажиллагааг өргөн хүрээнд явуулсан байна.
Тухайлбал энэ өдөр төрсөн өдөр нь тохиосон Цагдаагийн газрын эрүүгийн мөрдөгч, цагдаагийн ахлах дэслэгч О.Азжаргал, Цагдаагийн албатай хамтран ажилладаг Арвайхээр сумын 1 дүгээр багийн иргэн Д.Дуламсүрэн, Шилдэг алба хаагч, цагдаагийн бэлтгэл ахлах ахлагч С.Цэнд-Аюуш, эрүүгийн мөрдөгч, цагдаагийн ахлах дэслэгч Б.Энх-Орчлон нарт Сүлд чуулгын зүгээс хүндэтгэл үзүүлэн ая дуугаар бэлэг барьлаа. Мөн ард иргэдийнхээ эрүүл энхийн манаанд цаг, завгүй зүтгэж байдаг БОЭТ-ийн эмч, сувилагч, ажилтан, хэвтэн эмчлүүлэгчдэд болон Төв захын бизнес эрхлэгчдэд урлагийн тоглолт үзүүлэн цагдаагийн албыг сурталчилжээ.
Энэ үеэр “Цагдаагийн гэргийг алдаршуулъя” арга хэмжээний хүрээнд холбооны инженер, цагдаагийн хошууч Ч.Амартүвшингийн гэргий Л.Соёлхүү, жижүүрийн цагдаа, цагдаагийн ахлах ахлагч Т.Пүрэвтогтохын гэргий, цагдаагийн ахмад Б.Алтанцацрал нарт хүндэтгэл үзүүлсэн бол цагдаагийн алба хаагчдын үр хүүхдийг төлөөлүүлж, хэсгийн байцаагч, цагдаагийн дэслэгч Ч.Амартүвшингийн гэргий, таван хүүхдийг урлагийн тоглолт үзүүлж, дурсгалын зүйлс бэлэглэлээ.
Мөн алба хаагчдын албандаа хандах хандлага, итгэл үнэмшил, урам зоригийг сэргээх, стресс, алжаалыг тайлах зорилгоор “Угталт” цэнгээнт арга хэмжээг алба хаагчдын дунд зохион байгуулж, "Би Цагдаа" шинэ дуу, заавал сурах 10 бүжгийг Сүлд чуулгаас заасан байна. Тэрчлэн Цагдаагийн албаны тухай хууль, Зөрчлийн тухай хууль, Эрүүгийн хуулиар АХА тэмцээнийг зохион байгуулж, алба хаагчдынхаа мэдлэгийг шалгажээ.
Цагдаагийн байгууллагын соён гэгээрүүлэх ажилд дэмжлэг үзүүлэх, Олон нийт цагдаагийн хамтын ажиллагааг бэхжүүлэх, Гэмт хэрэгтэй тэмцэх, урьдчилан сэргийлэх ажилд идэвх санаачилгатай ажиллаж байгаа аж ахуйн нэгж, байгууллага, иргэнийг алдаршуулах зорилгоор өдөрлөгийн үйл ажиллагааг өргөн хүрээнд явуулсан байна.
Тухайлбал энэ өдөр төрсөн өдөр нь тохиосон Цагдаагийн газрын эрүүгийн мөрдөгч, цагдаагийн ахлах дэслэгч О.Азжаргал, Цагдаагийн албатай хамтран ажилладаг Арвайхээр сумын 1 дүгээр багийн иргэн Д.Дуламсүрэн, Шилдэг алба хаагч, цагдаагийн бэлтгэл ахлах ахлагч С.Цэнд-Аюуш, эрүүгийн мөрдөгч, цагдаагийн ахлах дэслэгч Б.Энх-Орчлон нарт Сүлд чуулгын зүгээс хүндэтгэл үзүүлэн ая дуугаар бэлэг барьлаа. Мөн ард иргэдийнхээ эрүүл энхийн манаанд цаг, завгүй зүтгэж байдаг БОЭТ-ийн эмч, сувилагч, ажилтан, хэвтэн эмчлүүлэгчдэд болон Төв захын бизнес эрхлэгчдэд урлагийн тоглолт үзүүлэн цагдаагийн албыг сурталчилжээ.
Энэ үеэр “Цагдаагийн гэргийг алдаршуулъя” арга хэмжээний хүрээнд холбооны инженер, цагдаагийн хошууч Ч.Амартүвшингийн гэргий Л.Соёлхүү, жижүүрийн цагдаа, цагдаагийн ахлах ахлагч Т.Пүрэвтогтохын гэргий, цагдаагийн ахмад Б.Алтанцацрал нарт хүндэтгэл үзүүлсэн бол цагдаагийн алба хаагчдын үр хүүхдийг төлөөлүүлж, хэсгийн байцаагч, цагдаагийн дэслэгч Ч.Амартүвшингийн гэргий, таван хүүхдийг урлагийн тоглолт үзүүлж, дурсгалын зүйлс бэлэглэлээ.
Мөн алба хаагчдын албандаа хандах хандлага, итгэл үнэмшил, урам зоригийг сэргээх, стресс, алжаалыг тайлах зорилгоор “Угталт” цэнгээнт арга хэмжээг алба хаагчдын дунд зохион байгуулж, "Би Цагдаа" шинэ дуу, заавал сурах 10 бүжгийг Сүлд чуулгаас заасан байна. Тэрчлэн Цагдаагийн албаны тухай хууль, Зөрчлийн тухай хууль, Эрүүгийн хуулиар АХА тэмцээнийг зохион байгуулж, алба хаагчдынхаа мэдлэгийг шалгажээ.
Б.Батчимэг
