Улаанбаатар /МОНЦАМЭ/. АНУ-ын Айова муж улсад ирэх 12 дугаар сарын 10-11-нд болох эрэгтэй, эмэгтэй чөлөөт бөхийн “Дэлхийн цом”-ын аварга шалгаруулах тэмцээнд  ДАШТ-ий шилдэг таван баг оролцох юм.

Мөн эхний тавд ороогүй багуудаас Дэлхийн шигшээ баг бүрдүүлж, өрсөлдөх юм. Эрэгтэйчүүдийн багт АНУ, Иран, Япон, Монгол, Гүрж, Дэлхийн шигшээ орж байгаа бол эмэгтэйчүүдийн Япон, АНУ, Хятад, Монгол, Украин болон Дэлхийн шигшээ баг багтжээ.

Дэлхийн цомын тэмцээний шагналын сан төрөл бүрд 100 мянган швейцар франк. Түрүүлсэн баг уг сангийн 70, мөнгөн медальт баг 20, гуравт орсон нь 10 хувийг авах юм байна.

Анхны Дэлхийн Цомын аварга шалгаруулах тэмцээн 1956 онд Станбулд болж байсан бол 1973 оноос жил тутам зохион байгуулдаг болсон билээ. 1980 оноос сонгомол, 2001 оноос эмэгтэйчүүдийн Дэлхийн цомын аварга шалгаруулах тэмцээнийг зохион байгуулах болсон юм.

Манай эрэгтэй баг Дэлхийн цомд 1975 оны АНУ-ын Толедод мөнгө, 1981 онд хүрэл, 1987 онд Улаанбаатарт мөнгө, эмэгтэй баг 2013 онд Улаанбаатарт мөнгө, 2015 оны Санкт Петербургийн цомд хүрэл, 2017 онд Оросын Чебоксарт хүрэл, 2018 онд Такасакид хүрэл медаль тус тус хүртэж байв.

Монголын чөлөөт бөхийн холбооноос “Дэлхийн цом”-ын АШТ-д оролцох багаа зарлалаа. Жин тус бүрийн хоёр шилдэг бөх багтсан тун хүчирхэг баг АНУ-ыг зорих юм.

Дэлхийн бөхийн нэгдсэн холбоо /ДБНХ/-ны албан ёсны сайтад “Монголын эмэгтэй шигшээ багийн хоёр том од нь 62 кг жингийн 2014 оны дэлхийн аварга С.Цэрэнчимэд, 53 кг жингийн 2020 оны олимпын хүрэл медальт Б.Болортуяа нар юм. С.Цэрэнчимэд мөн 2015 оны дэлхийн мөнгө, 2018 оны дэлхийн хүрэл медальт тамирчин бол Б.Болортуяа 2019 оны дэлхийн хүрэл медальтай. Эрэгтэй багийг дэлхийн мөнгө, хүрэл медальт 125 кг жингийн М.Лхагвагэрэл тэргүүлнэ. Түүнчлэн 57 кг-д ДАШТ-ий медальт З.Занабазар , 61 кг-д Н.Наранхүү, 65 кг-д Т.Тулга нар АНУ-д ирнэ” хэмээн онцолжээ.

Монголын шигшээ баг

Эмэгтэй

50 кг - Д.Отгонжаргал /Otgonjargal DOLGORJAV/

50 кг - Ц.Намуунцэцэг /Namuuntsetseg TSOGT-OCHIR/

53 кг - Б.Болортуяа /Bolortuya BAT-OCHIR/

53 кг - Б.Хулан /Khulan BATKHUYAG/

55 кг  - Г.Отгонжаргал /Otgonjargal GANBAATAR/

55  кг - Э.Сумъяа /Sumiya ERDENCHIMEG/

57 кг - Э.Даваачимэг /Davaachimeg ERKHEMBAYAR/

57 кг - Б.Эрдэнэсувд /Erdenesuvd BAT-ERDENE/

59 кг - Б.Хонгорзул /Khongorzul BOLDSAIKHAN/

59 кг - Х.Болортуяа /Bolortuya KHURELKHUU/

62 кг - С.Цэрэнчимэд /Tserenchimed SUKHEE/

62 кг - З.Болортунгалаг /Bolortungalag ZORIGT/

65  кг - Ө.Пүрэвсүрэн /Purevsuren ULIZIISAIKHAN/

65 кг - Б.Шоовдор /Shoovdor BAATARJAV/

68 кг - Э.Дэлгэрмаа /Delgermaa ENKHSAIKHAN/

68 кг - Г.Уртнасан /Urtnasan GAN-OCHIR/

72 кг  - Э.Даваанасан /Davaanasan ENK-AMAR/

72  кг - Б,Сарнай /Sarnai BAYARBAATAR/

76 кг - Г.Ариунжаргал /Ariunjargal GANBAT/

76 кг - Н.Загардулам /Zagardulam NAIGALSUREN/

Эрэгтэй

57 кг - З.Занабазар /Zanabazar ZANDANBUD/

57 кг - Н.Насанбуян /Nasanbuyan NARMANDAKH/

61 кг - Н.Наранхүү /Narankhuu NARMANDAKH/

61 кг - А.Мөнх-Эрдэнэ /Munkh-Erdene ALTANSUVD/

65 кг - Ц.Цогбадрах /Tsogbadrakh TSEVEENSUREN/

65 кг  - Т.Тулга /Tulga TUMUR-OCHIR/

70 кг - Э.Тэмүүлэн /Temuulen ENKTUYA/

70 кг - Г.Ханбүргэд /Khanburged GANKHUYAG/

74 кг - О.Сүлдхүү /Suldkhuu OLONBAYAR/

74 кг - З.Сумъяабазар Sumiyabazar ZANDANBUD

79 кг - А.Дөлгөөн /Dulguun ALTANZUL/

79 кг - Д.Батзул /Batzul DAMJIN/

86 кг - Б.Бат-Эрдэнэ /Bat-Erdene BYAMBASUREN/

86 кг - М.Цогтгэрэл /Tsogtgerel MUNKHBAATAR/

92 кг - Г.Ганхуяг /Gankhuyag GANBAATAR/

92 кг - Б.Бумандорж /Bymandorj BAT-ERDENE/

97 кг - Д.Оргилох /Orgilokh DAGVADORJ/

97  кг - Ө.Батзул /Batzul ULZIISAIKHAN/

125 кг - М.Лхагвагэрэл /Lkhagvagerel MUNKHTUR/

125 кг - Э.Батмагнай /Batmagnai ENKHTUVSHIN/