АТГ-аас эрэн сурвалжлах сэтгүүлчдэд зориулсан сургалт зохион байгууллаа

Монголын мэдээ | НИЙГЭМ
ariunbold@montsame.gov.mn
2022-05-27 10:18:24

Улаанбаатар /МОНЦАМЭ/. Авлигатай тэмцэх газраас санаачлан эрэн сурвалжлах сэтгүүлчдэд зориулсан ээлжит сургалтыг Олон улсын хөгжлийн эрх зүйн байгууллагын төслийн санхүүжилтээр “Олон нийтийн төв”-д зохион байгууллаа.


Энэ удаагийн сургалтыг Хэвлэлийн хүрээлэн, Хэвлэл мэдээллийн зөвлөл, “Глоб Интернэшнл” төрийн бус байгууллагатай хамтран зохион байгуулсан бөгөөд эрэн сурвалжлах чиглэлээр ажилладаг 60 гаруй сэтгүүлч, хэвлэл мэдээллийн байгууллагын ажилтнуудыг хамруулсан юм.


Сургалтаар эрэн сурвалжлах сэтгүүл зүй ба уламжлалт сэтгүүл зүйн ялгаа, эрэн сурвалжлах сэтгүүл зүйн арга техникийн суурь мэдлэг, эрэн сурвалжлах сэтгүүл зүйн олон улсын туршлагын талаарх ойлголт, интернэтийг эрэн сурвалжлагад ашиглах чадвар, хөрөнгө, орлогын мэдүүлгийг үнэн зөв судалж, мэдээлэх, Нийтийн мэдээллийн тухай хуулийн анхаарах асуудлууд, сэтгүүлчийн аюулгүй байдал, авлигын гэмт үйлдэлтэй тэмцэхэд сэтгүүлчийн үүрэг оролцоо, АТГ-ын олон нийттэй харилцах бодлого зэрэг сэдвээр хичээл заасан байна.

Холбоотой мэдээ