Хоёр талын 80 гаруй уулзалт төлөвлөгджээ
МОНГОЛЫН МЭДЭЭ | УЛС ТӨРАзи-Европын дээд түвшний 11 дүгээр хуралдааны хүрээнд 80 гаруй хоёр талын уулзалт төлөвлөгдсөн бөгөөд Монгол Улсын Ерөнхийлөгч Ц.Элбэгдорж 30 гаруй хэлэлцээ хийнэ.
АСЕМ-ын гишүүн орнуудын өөр хоорондоо хийдэг хоёр талын уулзалт нь АСЕМ-ын нэгэн чухал үйл ажиллагаа юм. Хоёр талын болон олон талын уулзалтаар улс орнууд холбогдох асуудлуудыг хөндөж, хэлэлцэн тохиролцон, шийдэлд хүрдэг.
Энэ удаагийн уулзалтаар Мъянмар-Голланд, Европын холбоо-Япон, Өмнөд Солонгос-Лаос, Япон-Герман, Сингапур-Швед зэрэг улс орнууд Шангри-Ла, "Чингисийн хүрээ", АСЕМ виллаж-д хоёр талын уулзалт товлосон байна.
Хоёр талын уулзалт хэвлэл мэдээлэлд хаалттай байх бөгөөд АСЕМ-ын ажлын албанаас тухай бүрт нь мэдээлэл өгөх аж.
Н.Гантуяа
Гэрэл зургийг Б.Чадраабал