Халдвар авсан иргэдийн 60 хувь нь гэрээр эмчлүүлж байна

Орон нутагт | Сүхбаатар
odonchimeg@montsame.mn
2021-09-17 12:59:34

Сүхбаатар /МОНЦАМЭ/. 9 дүгээр сарын 17-ны 8.00 цагийн байдлаар халдварын батлагдсан тохиолдол хоногт 132-оор нэмэгдэж, нийт 4317 боллоо. Эдгээрээс 2641 тохиолдлыг бүрэн эмчилж, гэрийн ажиглалтад шилжсэн бол одоогоор 1661 иргэн эмчлүүлж байгаагаас 60 хувь нь гэрээр, 40 хувь нь эрүүл мэндийн байгууллагад байна.

Эмчлүүлэгчдийн биеийн байдлын хувьд хүнд бөгөөд хүндэвтэр 73 иргэн байна. архаг хүүч өвчтэй өндөр настнууд, 5 хүртэлх насны хүүхдүүд хүндрэх эрсдэл байгааг ЭМГ-аас анхаарууллаа. Халдвар ихэвчлэн гэр бүл, ажлын хамт олны хүрээллээс илэрч байгаа бөгөөд батлагдсан тохиолдлуудын асуумжийг харахад айлаар зочилсон, хамт олноороо нэг өрөө тасалгаанд удаан хугацаагаар хурал цуглаан хийсэн зэрэг дэглэм зөрчсөн асуудал цөөнгүй байгааг мөн хэллээ.

Шинээр батлагдсан 132 тохиолдол нь Баруун-Урт 94, Мөнххаан 11, Уулбаян 1, Сүхбаатар 5, Баяндэлгэр 2, Түвшинширээ 1, Түмэнцогт 6, Наран 2, Халзан 5, Дарьганга 5 зэрэг 10 суманд бүртгэгдсэн байна. 

Холбоотой мэдээ