Улаанбаатар
PCR шинжилгээний суурин гурван цэгийн байршлыг өөрчлөв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Нийслэлийн төвийн зургаан дүүрэг тус бүрд PCR шинжилгээний суурин гурав, явуулын гурван цэг ажиллаж байна.
Дээрх цэгүүдэд хөдөө, орон нутаг зайлшгүй явах шаардлагатай, эрүүл мэндийн тусламж үйлчилгээ авах, мөн оршуулгын үйл ажиллагаанд оролцох иргэд цаг авалгүй очин, шинжилгээнд хамрагдах боломжтой.
Шинжилгээний цэгийн байршил өөрчлөгдсөн бөгөөд дараах цэгүүдэд авч байна.
- Баянгол дүүрэг-96 дугаар сургууль /Хуучин 13-р сургуулийн шинжилгээний цэг/
- Сүхбаатар дүүрэг-143 дугаар цэцэрлэг /Хуучин 31 дүгээр сургуулийн шинжилгээний цэг/
- Чингэлтэй дүүрэг-74 дүгээр цэцэрлэг /Хуучин 50 дугаар сургуулийн шинжилгээний цэг/
- Баянзүрх дүүрэг- “Тэнгэр” худалдааны төвийн гадна талбай
- Сонгинохайрхан дүүрэг- Таван шарын төмөр замын гармын ард байрлах “Номин” агуулах худалдааны гадна талбай
- Хан-Уул дүүрэг- Буянт-Ухаа спорт цогцолборын гадна талбай.
Дээрх цэгүүд ажлын өдрүүдэд 9:00-12:00 цагийн хооронд ажиллах бөгөөд амралтын өдрүүдэд гурав, гурваараа ээлжлэн ажиллана.
Үйл ажиллагаа явуулж байгаа үйлчилгээний газар, байгууллагууд нь вакцины бүрэн тунд хамрагдаад 14 хоносон гэрчилгээтэй болон өвчлөөд эдгэсэн тухай эмчийн магадалгаатай хүн ажиллуулах юм. Мөн дээрх бичиг баримтыг үндэслэж иргэдэд үйлчилнэ.
