Бразилд халдвар авсан хүний тоо 15 сая давжээ
ДЭЛХИЙН МЭДЭЭ | ЭРҮҮЛ МЭНДБРАЗИЛИА. /Reuters/. Бразилд коронавирусний халдвар авсан нийт хүний тоо нэг хоногийн дотор 73 380-аар нэмэгдэж, 15 003 563 боллоо гэж тус улсын Эрүүл мэндийн яам мэдээлэв.
Сүүлийн 24 цагт 2550 хүн нас барж, нас барсан нийт тохиолдлын тоо 416 949-т хүрчээ. 13.5 сая хүн халдвараас эдгэрсэн байна. Тус улсад халдварын 1 сая орчим идэвхтэй тохиолдол бүртгэгджээ.
Бразил халдварын тохиолдлын тоогоор АНУ /32.6 сая тохиолдол/, Энэтхэгийн /21 сая/ дараа гуравдугаарт, нас барсан тохиолдлын үзүүлэлтээр АНУ-ын дараа хоёрдугаарт орж байгаа юм.