Улаанбаатар
УИХ-ын дарга З. Энхболд Сүхбаатар аймагт ажиллаад буцлаа
ОРОН НУТГИЙН МЭДЭЭ | СҮХБААТАР
Монгол Улсын Их Хурлын дарга З. Энхболд өчигдөр Сүхбаатар аймагт өдөр ажиллалаа.
Өчигдөр орой 19 цагаас Жаахан шарга театрт аймгийн иргэд хөдөлмөрчидтэй уулзалт хийж, УИХ-ын дарга З. Энхболд 2012-2016 оны Засгийн газрын хийж хэрэгжүүлсэн ажлын тайлангаа түрүү түрүүчийн Засгийн газрын үйл ажиллагаатай харьцуулан танилцуулсан юм. Тэрээр өөрийн илтгэлдээ ипотекийн 8 хувийн зээл, авто талбай, аймаг бүрт 1000 орон сууц хөтөлбөр зэрэг томоохон ажлуудын үр дүн, цаашид хэрхэн үргэлжлүүлэх талаар танилцууллаа.
Уулзалтад УИХ-ын гишүүн Р. Амаржаргал, Сумогийн их аварга, МУГТ Д.Дагвадорж болон УИХ-ын сонгуулийн 24-р тойрогт АН-аас нэр дэвшигч Ж. Батсуурь, аймгийн ИТХ-ын сонгуульд АН-аас нэр дэвшигчдийн төлөөлөл оролцлоо.
УИХ-ын дарга З.Энхболд болон бусад хүмүүс 2016 оны УИХ болон аймгийн ИТХ-ын сонгуульд Ардчилсан намаас нэр дэвшигчиддээ амжилт хүслээ.
Т. Одончимэг
