Улаанбаатар
Тээврийн хэрэгслийн бүртгэлд хариуцлагатай хандахыг зөвлөв
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Иргэд олон жилийн өмнө машин худалдахдаа нотариатаар батлуулсан ч тээврийн хэрэгслийн бүртгэлийн системд бүртгүүлж, шилжүүлээгүйгээс хуучин бүртгэл хэвээр хадгалагддаг.
Ингэснээр тээврийн
хэрэгслээ худалдсан иргэнд татвар, торгуулийн өр төлбөр үүсэхээс гадна, тухайн тээврийн хэрэгсэл худалдан авч буй иргэний өмчөөр бүртгэгдээгүй тул хоёр талд хохиролтой байдаг тул хариуцлагатай хандахыг
Автотээврийн үндэсний төвөөс уриаллаа.
Нэр дээр
тань бүртгэлтэй тээврийн хэрэгсэл байгаа эсэхийг https://www.transdep.mn/byRegister.php линкээр орж шалгаж,
тээврийн хэрэгслийн лавлагаа авч, бичиг баримттайгаа очиж хасуулах боломжтой аж.
Түүнчлэн татварын тухай хуулиар таван жилийн турш техникийн үзлэгт хамрагдаагүй, татвараа төлөөгүй бол иргэний хүсэлтийг үндэслэн хасалт хийнэ. Мөн эзэмшигч тээврийн хэрэгслээ огт ашиглахгүй байгаа бол улсын дугаарыг хураалган бүртгэлээс хасуулах үүрэгтэй.
Автотээврийн үндэсний төвийн Тээврийн хэрэгслийн бүртгэлийн
хэлтсээс бүртгэл, үйлчилгээ, дугаар олгох, техникийн өөрчлөлтийг бүртгэх,
тээврийн хэрэгслийн гэрчилгээ олгох, лавлагаа мэдээлэл өгөх, улсын бүртгэлээс
хасах зэрэг үйлчилгээг цахим
хэлбэрт үе шаттайгаар шилжүүлж, нийслэлд 9, аймгуудад 23
салбар ажиллаж байна.
