“Хот девелопмент” ХК хувьцаа эзэмшигчдийн хурлаа товложээ
МОНГОЛЫН МЭДЭЭ | ЭДИЙН ЗАСАГУлаанбаатар
/МОНЦАМЭ/. Монголын Хөрөнгийн
биржид бүртгэлтэй “Хот девелопмент” ХК-ийн ТУЗ-ийн хурлын шийдвэрээр тус компанийн хувьцаа эзэмшигчдийн
ээлжит хурлыг 2021 оны 1 дүгээр сарын 4-нд товложээ. Хурлаар:
- Компанийн өрийг хувьцаагаар солих төслийг батлах,
- Компанийн өрийг хувьцаагаар солихтой холбогдуулан
хаалттай хүрээнд нэмж энгийн хувьцаа гаргах,
- Компанийн өрийг хувьцаагаар солихтой холбоотой сонирхлын
зөрчилтэй болон их хэмжээний хэлцлийг батлах,
- Компанийн өрийг хувьцаагаар солихтой холбогдуулан
хаалттай нэмж гаргаж буй хувьцаанаас тэргүүн ээлжинд худалдан авах эрхийг
эдлүүлэх эсэх талаар хэлэлцэх аж.
“COVID-19”-ийн цар тахалтай холбогдуулан гамшгаас
хамгаалах бүх нийтийн бэлэн байдлын зэрэгт шилжсэн учир онлайн хурлыг зохион байгуулах талаар Монголын Хөрөнгийн биржээс мэдээллээ.