Орхон аймгийн Цагдаагийн газрын даргаар С.Цэрэнсамбууг томилжээ

ОРОН НУТГИЙН МЭДЭЭ | ОРХОН
orkhon@montsame.mn
2020-10-27 11:53:16
oyuka_hu@yahoo.com

Орхон /МОНЦАМЭ/ ЦЕГ-ын даргын 2020 оны 864-р тушаалаар Орхон аймгийн Цагдаагийн газрын даргаар Цагдаагийн хурандаа С.Цэрэнсамбууг томилсныг Засаг даргын шуурхай хуралдааны үеэр танилцууллаа.

С.Цэрэнсамбуу нь 1997 онд Цагдаагийн дээд сургуулийг эрх зүйч мэргэжлээр төгссөн. Хууль зүйн ухааны магистр зэрэгтэй. Ажлын гараагаа Сүхбаатар дүүргийн хорооны цагдаагаас эхлүүлж 1997-1998 онд Архангай аймгийн Цагдаагийн газарт хэсгийн төлөөлөгч, 1998-2003 онд Сүхбаатар дүүргийн Цагдаагийн хэлтэст эрүүгийн төлөөлөгч, ахлах төлөөлөгчөөр ажиллаж байжээ.

Мөн 2003-2007 онд Эрүүгийн цагдаагийн газарт ахлах төлөөлөгч, 2007-2008 онд Сонгинохайрхан дүүргийн Цагдаагийн хэлтсийн мөрдөн байцаах тасагт Хэлтсийн дарга, 2008-2009 онд Эрүүгийн цагдаагийн газарт ахлах төлөөлөгч, 2009-2012 онд Архангай аймгийн Цагдаагийн газрын дэд дарга бөгөөд Эрүүгийн цагдаагийн тасгийн дарга, 2012-2016 онд Ховд аймгийн Цагдаагийн газрын дарга, 2016-2020 онд Завхан аймгийн Цагдаагийн газрын даргаар ажиллаж байжээ.

 

 

 

           

 

Холбоотой мэдээ