Орон нутгийн албан хаагчдыг онлайн сургалтад хамрууллаа
МОНГОЛЫН МЭДЭЭ | ХУУЛЬАвлигатай тэмцэх газрын Соён гэгээрүүлэх, сурталчилгааны албанаас Хөвсгөл, Төв аймгийн Засаг даргын Тамгын газар болон харъяа агентлагийн 43 албан тушаалтны дунд онлайн сургалт зохион байгуулав.
АТГ-т оны эхээр нээсэн Дүрст хурлын танхимдаа анх удаа зохион байгуулсан онлайн сургалтаар “Авлигын эсрэг хууль тогтоомжийг таниулах нь”, “Авлигын эсрэг үйл ажиллагааны үр дүн-2015” сэдвээр ярилцав. Сургалтад оролцогчдод эрх бүхий албан тушаалтны нэмэгдэл урамшуулал олгох, төрийн албан тушаалтан давхар ажил эрхлэх зэрэг асуултад арга зүйн зөвлөгөө өгсөн байна.
Ж.Батсайхан