Бээжин /МОНЦАМЭ/. Өчигдөр буюу 25-ны өдөр Бээжин хотод болж буй БХАТИХ-ын хурлаар БНХАУ-ын Ардын Дээд прокурорын газрын тайланг хэлэлцэж, Ерөнхий прокурор Жан Жунь ажлын тайланг танилцууллаа.

            Цар тахлын тархалттай холбоотой асуудлыг шалган тогтоох

            Нам, төрийн удирдлага дор цар тахлын тархалтаас урьдчилан сэргийлэх, ерөнхий нөхцөл байдалд хяналт тавьж ажилласан бөгөөд 2020 оны 2-оос 4-р сар хүртэлх хугацаанд нийт 3 700 гаруй хүнийг баривчилж, 2500 гаруй хүнийг шүүхэд шилжүүлж, 2800 гаруй нийтийн ашиг сонирхлын хэргийг хянан шийдвэрлэжээ. Цар тахлын аюулаас урьдчилан сэргийлэх, хяналт тавихад аюул учруулж буй гэмт хэргийг хуульд заасны дагуу шийтгэл оногдуулсан байна.

Өнгөрсөн 2019 оны ажлын тойм

            2019 онд улсын хэмжээнд прокурорын байгууллагууд нийт 3.14 сая гаруй хэргийг шийдвэрлэсэн нь өнгөрсөн оны мөн үеэс 9.7% -иар өссөн байна.

            Ядуурлыг бууруулах ажлын хүрээнд гэм буруутай 870 гаруй хүнийг шүүхэд шилжүүлж, ядуурлыг бууруулах ажлын хүрээнд авлига авсан тохиолдолд хатуу шийтгэл хүлээлгэжээ.

Хонконгийн ЗЗОБ дахь 67 хувийн аж ахуй нэгжийг нэмэгдсэн өртгийн албан татварын тусгай нэхэмжлэхийг хуурамчаар үйлдсэн хэргийг шалгаж шийдвэрлэсэн байна.

            Оюуны өмчийн зөрчлийн улмаас 11.000 гаруй хүнийг шилжүүлсэн нь өнгөрсөн оноос 32.2 хувиар өссөн байна.

            Бүх шатны хяналтын хорооноос ирүүлсэн гэмт хэргийг хүлээн авсан тоо, хэмжээ 50.6% -иар нэмэгдсэн.

Насанд хүрээгүй хүүхдийг зохион байгуулалттай гэмт хэрэгт оролцуулахыг ятгасан этгээдийг хатуу шийтгэж, хатуу шийтгэл оногдуулах саналыг дэвшүүлсэн.

Хууль эрх зүйн хяналтын чиг үүргийг хэрэгжүүлэв

            Прокурорын байгууллагууд 1999-2019 онуудад прокурорын онц ноцтой гэмт хэрэгт холбогдсон 160,000 гаруй хүнийг шалгасан бөгөөд энэ тоо жилд 4.8%-иар буурч, 3 жилээс дээш хугацаагаар ял шийтгүүлсэн хүмүүсийн эзлэх хувь 45.4% -иас 21.3% болж буурчээ. Мөн эдийн засаг, нийгмийн дэг журмыг зохицуулах, гэмт хэргүүд болох "согтуугаар жолоо барих" явдал 19,4 дахин, хуурамч, чанаргүй бүтээгдэхүүн үйлдвэрлэх, борлуулах гэмт хэрэг 34.6 дахин, оюуны өмчийн зөрчил 56.6 дахин өссөн байна. Хүнд, хүндэвтэр гэмт хэргийн гаралт буурсан нь олон нийтийн аюулгүй дэг журам сайжирсантай холбоотой гэж дүгнэжээ.

Цаашид хийгдэх ажлын төлөвлөгөө

Ерөнхий прокурор Жан Жунь Ардын Дээд прокурорын газрын цаашдын зорилтуудыг тодорхойлохдоо 2020 оныг нийгмийн бүх салбарыг хамарсан хөгжилтэй нийгмийг бүх талаар цогцоор бий болгох, ядуурлыг даван туулах шийдэмгий тэмцлийн жил болгосныг онцолж, халдварт өвчний улмаас сорилтуудтай тулгарч байгаа хэдий ч прокурорын байгууллагын үйл ажиллагааг дэмжих тодорхой арга хэмжээг авч хэрэгжүүлэхийг онцолжээ. Иргэний хуулийн эмхэтгэлийг хэлэлцэн баталсны дараа бид нухацтай судалж, хэрэгжүүлж, иргэний шүүхийн нарийн хяналтыг бэхжүүлж, иргэний эрх зүйн субъектын хууль ёсны эрх, ашиг сонирхлыг үр дүнтэй хамгаалах болно гэжээ.