Гадаадаас түр хугацаанд ажиллах хүч авахгүй

Монголын мэдээ | Улс төр
munkhbaatar@montsame.gov.mn
2020-03-22 16:50:16
@s_munkhbaatar

Улаанбаатар /МОНЦАМЭ/. Засгийн газрын өнөөдрийн ээлжит бус хуралдаанаар, Улаанбаатар-Дархан чиглэлийн автозамын бүтээн байгуулалтад БНХАУ-ын иргэдийг ажиллуулахгүй, цаашид тодорхой хугацаанд аль ч улсаас ажиллах хүч авахгүй байх тогтоол гаргалаа. 

 

Монгол Улсын Засгийн газар ажлын хөтөлбөртөө тусгасны дагуу гадаадаас авах ажиллах хүчний тоог жил бүр тогтмол багасгаж байна. Тодруулбал, 2016-2019 онд 50 хувь багасгаж, энэ хэрээр монгол иргэдээ ажлын байраар хангажээ. Үүнээс гадна мэргэжилтэй ажилчин бэлтгэх зорилгоор МСҮТ-ийн суралцагчдад сард 200 мянган төгрөгийн тэтгэлэг олгож байна. Мөн төмөр замын болон дэд бүтцийн томоохон бүтээн байгуулалтад цэргийн алба хаагчдыг ажиллуулж байгаа юм.  

Холбоотой мэдээ