Шатарчин Б.Эрхэс Шэнжэньд тэргүүллээ
МОНГОЛЫН МЭДЭЭ | СПОРТУлаанбаатар /МОНЦАМЭ/. БНХАУ-ын Гуандун мужийн Шэньжэнь хотноо 12 дугаар сарын 18-27-нд болж буй Ази тивийн шатрын 14 хүртэлх насны багийн аварга шалгаруулах цомын тэмцээнд Б.Эрхэс 2 дугаар ширээнд үнэмлэхүй амжилт гаргаж тэргүүн байрт шалгарлаа.
Тус тэмцээнд Монгол Улсаас оролцсон А баг стандарт төрөлд 2 дугаар байр, блиц төрөлд 3 дугаар байр эзэлсэн байна. Тус багийн гишүүн ДШХДМ Б.Эрхэс 2 дугаар ширээнд үнэмлэхүй амжилт үзүүлж нэг, Х.Өлзийхишиг 5 дугаар ширээнд 3 дугаар байрт тус тус орсон байна. Блиц тэмцээний шагналыг тус тэмцээний ерөнхий шүүгч, МШХ-ны тэргүүн дэд ерөнхийлөгч, Олон улсын шүүгч Ц.Сайнбаяр гардуулав.