Улаанбаатар
Европын бараа бүтээгдэхүүнд татвар ногдуулвал хүнсний үнэ нэмэгдэнэ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН. /Reuters/. Италийн бяслаг, Францын дарс, Шотландын виски, Их Британийн жигнэмэг, Испанийн чидун жимс зэрэг Европын олон мянган нэр төрлийн бараанд АНУ 25 хувийн татвар шинээр ногдуулснаар баярын улирал удахгүй эхлэх гэж буй энэ үед бүтээгдэхүүнүүдийн үнэ нэмэгдэхэд нөлөөлөх төлөвтэй байна.
Лхагва гарагт АНУ-ын Худалдааны
төлөөлөгчийн газраас мэдэгдэхдээ, Европын нисэх
онгоц үйлдвэрлэгчийн татаасын
асуудалтай холбогдуулан Европын Холбооны эсрэг худалдааны арга
хэмжээ авахыг Дэлхийн худалдааны байгууллага зөвшөөрсөн хэмээгээд, Европын орнуудын олон мянган нэр тэрлийн бараа бүтээгдэхүүнд татвар
ногдуулна гэжээ.
Шинэ татвар нь борлуулалтыг бууруулж, хүнсний жижиглэн худалдаа эрхэлдэг олон мянган Америк иргэний ажлын байранд сөргөөр нөлөөлнө гэж АНУ-ын Хүнсний асуудал хариуцсан мэргэшсэн холбооноос мэдээлсэн байна. “Баярын улирал удахгүй эхлэх гэж буй үед бараа бүтээгдэхүүнүүдийн үнэ нэмэгдэх нь Америкчуудад ихээхэн нөлөөлнө. Одоогоор 45 ам.долларын үнэтэй байгаа бяслаг татвар ногдуулсны дараа 60 ам.доллар хүрнэ. Талархлын баяр болон жилийн эцсийн баяруудын үеэр гэр бүлийн гишүүдээ дайлдаг хүнсний бүтээгдэхүүнийг худалдан авахад хүндрэлтэй болно” гэж дээрх мэдээлэлд дурдсан байна. Мөн Америкийн бизнес эрхлэгчид шийдвэрийнхээ талаар дахин тунгаан бодохыг АНУ-ын засаг захиргаанд уриалжээ.
